ياللى تتكلــــم علــــــــــى غيرة الراجـــــــل

وبقولها ايوه بغيير, لا ناقصان, ولا ضعفان ,ولا مسطول, ولا سكران
ولا زايخ من عينى الضى,ولا حدا احسن منى فى شى, بس بغير
واللى قلولك غيرة الراجل قله ثقه ,او قله فهم ,خلق حمير
غيرت الراجل نار فى مراجل, نار بتنور ما بتحرقش,
واحنا صعيده مابنستحملش
شمسنا حاميه ,وعرقنا حامى, وطبعنا حامى
واللى تخلى راجل يحبها يبقى ياغلبها اصلنا ناس على قد الطيبه, كلنا هيبه البنات فى بلدنا جواهر
طب لو عندك حتت ماس ,هاتخليها مداس للناس
ولا هتقفلى الاوده عليها بميه ترباس يمكن حتى تأجر ليها جوزين حراس
يبقى انا ولا غافل, ولا جاهل, كل الفرق بينى وبينك انى صعيدى
لو كان بأيدى كنت اعملك هندى بريش واقلب شعرى كنيش قلابيش
والبسلك سلسله غرزه وقلب, بس ازاى البسلك سلسله هوه انا كلب
ثم العبره ماهاش فى اللبس, اصل المشكله مش فى اللبس
اصل المشكله عندك, عِنْدْك
قلت اسيبها وبكره تحس, بعده تحس بعده تحس, دانا لو جبس كنت زعقت ماشى صداقه, وماشى زماله,بس ماجتش على الرجاله, مهى بنات الدنيا كتير
وانا مابقلش تخاصمى الناس,ولا تتحجبى عن الرجاله ,ولا تتعكفى وتسكنى دير, بس ياريت حبت تقدير وانى بحبك وانى بريدك وانى زرعت حياتى فى ايدك, وانى غزلت بنات الدنيا عقود على جيدك, وانى تعبت من التفكير وانى بغير